Martın ilk ongünlüyünün sonu və Ramazan ayının əvvəlində radikalların əlində olan girovlar azad olunmasa, İsrail Qəzza zolağında hərbi əməliyyatını ölkənin cənubundakı Rəfah şəhərinə qədər genişləndirəcək...
Poliqon xəbər verir ki, bu xəbərdarlığı İsrailin müdafiə naziri Benni Qants bazar günü ABŞ yəhudi təşkilatlarının rəhbərliyinin Qüdsdə keçirilən konfransında çıxışı zamanı edib.
“Dünya və HƏMAS liderləri bilməlidir ki, Ramazana qədər girovlarımız evdə olmasalar, Rəfah bölgəsi də daxil olmaqla hər yerdə döyüşlər davam edəcək. Biz bunu koordinasiyalı şəkildə edəcəyik, mülki əhalinin tələfatını minimuma endirmək üçün amerikalı və misirli partnyorlarımızla dialoq əsasında mülki şəxslərin təxliyyəsini asanlaşdıracağıq”, deyə Qants bildirib.
İsrailin hərbi kabinetinin nümayəndəsi bildirib ki, Rəfaha hücum ancaq bir şərtlə təxirə salına bilər:
“Rəfah hücumunun baha başa gəldiyini söyləyənlərə açıq şəkildə deyirəm ki, HƏMAS-ın seçimi var: onlar təslim olub girovları azad edə, sonra Qəzzalılar müqəddəs Ramazan bayramını qeyd edə bilərlər”, deyə Gantz qeyd edib.
Qeyd edək ki. bu il Ramazan ayı 2024-cü ildə martın 11-dən aprelin 9-na təsadüf edir.
Poliqon.info
Digərxəbərlər
Populyar xəbərlər
