Gürcüstanda parlamentdə təhlükəsizlik tədbirləri gücləndirilib

Poliqon “Sputnik Gürcüstan” portalına istinadən xəbər verir ki, Gürcüstan parlamenti xarici agentlər haqqında qanunun oxunması ilə əlaqədar təhlükəsizliyi artırıb.

Gürcüstan parlamentinin hüquq komitəsi “Xarici agentlər haqqında” qanuna ikinci oxunuşda baxarkən dövlət orqanları üçün xüsusi təhlükəsizlik rejiminə qayıdıb.

“Gürcüstan parlamenti xüsusi təhlükəsizlik rejiminə qayıdır. Bu gün hüquq komitəsi “Xarici təsirin şəffaflığı haqqında” qanun layihəsini ikinci oxunuşda müzakirə edəcək”, deyə portalın məlumatında bildirilir.

Qeyd olunur ki, deputatların təhlükəsizliyini qorumaq məqsədilə parlament binasına giriş məhdudlaşdırılacaq. Məhdudiyyət akkreditə olunmuş jurnalistlərə təsir etməyəcək, lakin “bir yayımçıdan maksimum iki qrup” daxil ola biləcək.

Qeyd edək ki, Aprelin 28-dən 29-na keçən gecə etirazçılarla polis arasında qarşıdurma baş verib. Qalxan və dəyənəklərlə silahlanmış polis xüsusi təyinatlıları müxalifət etirazçılarını parlament binası qarşısındakı meydandan sıxışdırmağa çalışıb.

Poliqon.info