Gürcüstanın hakim partiyası LGBT təbliğatını qadağan edən qanun layihəsi hazırlayır...
Gələn həftə partiya LGBT təbliğatını qadağan edən qanun layihəsini parlamentə təqdim etməyi planlaşdırır.
Poliqon xəbər verir ki, bu barədə Priveli TV kanalı məlumat yayıb. Hakim “Gürcü Arzusu” Partiyasının icraçı katibi Mamuka Mdinaradze bildirib ki, qanun layihəsinin ölkəni “psevdoliberalizm” təbliğatından qorumaq üçün parlamentə təqdim edilməsi planlaşdırılır. Onun sözlərinə görə, müxalifət siyasətçiləri bu təşəbbüslə mübarizə aparmağa hazırlaşır. Mdinaradze iddia edib ki, bunun üçün üxalifət partiyaları BMT-nin İnkişaf Fondu tərəfindən maliyyələşdirilən təlim keçiblər.
“BMT təliminin mövzusu psevdoliberal təbliğatın müdafiəsi olub və bunu jurnalistlər əvvəldən bildiriblər. Biz həm BMT-nin İnkişaf Fondunu, həm də digər donor təşkilatları əslində nəyi maliyyələşdirdiklərini anlamağa çağırırıq. Bu, azlıqların hüquqlarını LGBT təbliğatının zərərli nəticələri ilə qarışdırmamaq üçündür”, deyə siyasətçi bildirib.
Poliqon.info