Makron pensiya islahatı haqqında qanunun qüvvəyə minmə tarixini açıqlayıb…
Poliqon xarici mətbuata əsasən xəbər verir ki, Fransa prezidenti Emmanuel Makron xalqa müraciətində yüksək profilli pensiya islahatı qanununun 2023-cü ilin payızında qüvvəyə minəcəyini bildirib.
“Bildiyiniz kimi, Konstitusiya Şurası cümə günü pensiya islahatını təsdiq edib və qanuni kimi tanıyıb. Mən məntiqlə bu qanunu dərhal imzaladım. Pensiya islahatı payızda qüvvəyə minəcək”, deyə Makron xalqa müraciətində bildirib.
Eyni zamanda, Makron pensiya islahatının cəmiyyət tərəfindən “aydın şəkildə” qəbul edilmədiyini qeyd edib və “bu barədə konsensusun tapılmamasından” təəssüfləndiyini bildirib.
Sənəd aprelin 15-də Fransa prezidenti tərəfindən imzalanıb. Qanunun tələbləri bu il sentyabrın 1-dən qüvvəyə minəcək. Qanun pensiya yaşının 62-dən 64-ə qaldırılmasını nəzərdə tutur.
Qeyd edək ki, Fransada pensiya islahatına qarşı kütləvi küçə etirazları yanvarın sonundan bəri davam edir. Fransada yaşanan iqtisadi böhran fonunda eyni həyat səviyyəsini saxlamaq və pensiya almaq üçün fransızlar daha çox çalışmalı olacaqlar.
Poliqon.info
Digərxəbərlər
Populyar xəbərlər
