Forbes-in siyahısında rusiyalı milyarderlərin sayı rekord qırıb...

Poliqon xəbər verir ki, nəşrin rəsmi saytında verilən məlumata görə, son bir ildə onların sayı 15 nəfər artıb.

Siyahıda ilk dəfə ən varlı Rusiya təmsilçisi "Lukoyl"un həmsahibi Vahid Ələkbərov olub. Azərbaycan əsilli milyarderin sərvəti bir il əvvəl 20,5 milyard dollar olduğu halda, 28,6 milyard dollar qiymətləndirilib. Onun aktivlərinin dəyərinin artması Moskva birjasında "Lukoyl"un səhmlərinin qiymətinin demək olar ki, iki dəfə artması (4-dən 7,5 min rubla), həmçinin şirkət tərəfindən dividendlərin ödənilməsi ilə izah olunur.

Qeyd olunur ki, Rusiya milyarderlər siyahısında ən çox lider Vladimir Lisin (dörd dəfə) olub və ötən il onu Andrey Melniçenko əvəzləyib. Siyahıda yer alan bütün Rusiya təmsilçilərinin ümumi sərvəti il ​​ərzində 14 faiz artaraq 576,8 milyard dollara çatıb ki, bu da 2021-ci ildəki 606,2 milyard dollardan daha azdır.

"Forbes" reytinqində ilk "üçlüy"ə 233 milyard dollarlıq sərvətlə LVMH şirkətlər qrupunun sahibi, fransız milyarder Bernard Arnault, 195 milyard dollarla "Tesla" və "SpaceX"in rəhbəri İlon Mask və 194 milyard dollarlar "Amazon" qurucusu Ceff Bezos daxildir.

Poliqon.info