ABŞ Nümayəndələr Palatasının keçmiş üzvü, respublikaçı Corc Santos Nyu-York federal prokurorları ilə fırıldaqçılıq və şəxsiyyət oğurluğunda günahını etiraf etmək üçün məhkəməyə müraciət edib...
Poliqon xəbər verir ki, bu barədə CBS telekanalı məlumat yayıb.
Konqresmeni altı ildən artıq həbs cəzası gözləyir. Razılaşmanın şərtlərinə görə, o, həmçinin təxminən 370 min dollar ödəməli olacaq.
Ümumilikdə Corc Santosa 23 maddə üzrə korrupsiya ittihamı irəli sürülüb. Bunlara məlumatların saxtalaşdırılması, donorların kartlarından vəsaitlərin oğurlanması, təşviqat vəsaitlərinin sui-istifadəsi və Federal Seçki Komissiyasına yalan məlumatların verilməsi daxildir. 2023-cü ilin may ayında Santos həbs edilib, lakin sonra 500.000 dollar girov qarşılığında sərbəst buraxılıb.
Corc Santos ABŞ tarixində Konqresdən qovulan Nümayəndələr Palatasının altıncı üzvüdür. Bu məsələ ilə bağlı səsvermə 2023-cü ilin dekabrında - 20 ildə ilk dəfə keçirilib.
Poliqon.info