Fevral ayında Rusiyanın neft-qaz gəlirləri iki dəfəyə qədər azalıb

Poliqon.info xəbər verir ki, bu barədə Bloomberg Agentliyi Rusiya Maliyyə Nazirliyinin cümə günü yayımladığı statistikaya istinadən məlumat yayıb. Bu statistikaya əsasən Rusiyanın neft və qaz gəlirləri illik müqaisədə fevral ayında təxminən iki dəfə azalıb.

Agentliyin hesablamalarına görə, ötən ay enerji daşıyıcılarından vergi daxilolmalarının üçdə ikisindən çoxunu təşkil edən neft və neft məhsullarından əldə olunan gəlirlər 48% azalaraq 361 milyard rubl olub.

Bloomberg analitikləri hesab edirlər ki, Rusiyanın neft-qaz gəlirlərinin kəskin azalması Rusiyanın “Urals” neft markasının “Brent” marka ilə müqayisədə satılan diskontların geniş miqyaslı artması ilə əlaqədardır. Diskontun artması isə öz növbəsində Aİ və G7-nin Rusiya neftinin və neft məhsullarının dəniz ixracı ilə bağlı məhdudiyyətlərinin qüvvəyə minməsinin nəticəsidir.

“Urals”ın real satış qiymətləri mübahisə mövzusudur, lakin Bloomberg onları bir il əvvəlki səviyyələrin yarısından bir qədər çox qiymətləndirir.

Qaz gəlirləri fevral ayında təxminən 42% azalaraq 161 milyard rubla qədər azalıb. Səbəb “Qazprom”un Avropaya tədarükünün minimuma düşməsi və qiymətlərin əhəmiyyətli dərəcədə aşağı düşməsi səbəbindən ixrac rüsumlarından daxilolmaların azalmasıdır.

Eyni zamanda, faydalı qazıntıların hasilatına vergidən əldə edilən gəlirlər isə “Qazprom” üçün vergitutmanın müvəqqəti artışı sayəsində illik 86% artaraq 121 milyard rubla çatıb.

Poliqon.info