Noyabrın 8-də Azərbaycan Respublikasının Prezidenti İlham Əliyev, birinci xanım Mehriban Əliyeva Zəfər Günü münasibətilə Şuşada təşkil olunan tədbirdə iştirak etdilər...
Daha sonra Ali Baş Komandan İlham Əliyev hərbçilər qarşısında çıxış etdi. Çıxışı zamanı Prezident bir neçə məsələlərə diqqət çəkdi.
Ölkə başçısı çıxışında vurğuladı ki, ölkəmiz müsəlman ölkələri ilə sıx əlaqələr qurdu. Sonra onlara izah etməyə nail oldu ki, Ermənistan təkcə bizə qarşı yox, bütün müsəlman aləminə qarşı təcavüzkar siyasət aparır. Aydın məsələdir ki, Prezident İlham Əliyev “müsəlman ölkələri” deyərək İrana mesaj verdi. İranın həm müharibə dövründə, həm də müharibədən sonrakı Azərbaycana qarşı olan davranışları hamıya məlumdur.
Ölkə başçısının çıxışında digər diqqətçəkən məqam Rusiya sülhməramlılar ilə bağlı dedikləri oldu. “Qarabağ bizim torpağımızdır. Rus sülhməramlılar orada müvəqqəti yerləşiblər, 2020-ci ilin 10 noyabr Bəyanatında onların müddəti göstərilir və əgər kiməsə bel bağlayırlarsa, yenə də faciə ilə üzləşəcəklər”, - Prezident dedi. Prezident bu sözləri ilə faktiki olaraq Ermənistana sülhməramlıların 5 ildən sonra Qarabağdan çıxacağını dedi. Bununla da Prezident sülhməramlıların Qarabağda müddətinin uzadılması üzrə qurulan planların üstündən xətt çəkdi.
Könül İsmayılova-Nizami Rayon İcra Hakimiyyətinin məsul işçisi, MMP-nın Siyasi Şurasının və İdarə Heyətinin üzvü
pia.az
Digərxəbərlər
Populyar xəbərlər
