Ekvadorun Quayakil şəhərində prokuror Sezar Suares güllələnib...
Poliqon xəbər verir ki, bu barədə “El Universo” qəzeti məlumat yayıb. Qəzetinin məlumatına görə, prokuror yanvarın əvvəlində gücləndirilmiş təhlükəsizlik şəraiti zamanı “TC Televisin” televiziya kanalına edilən basqını araşdırırmış.
Qeyd edilir ki, prokurorun maşınına azı 20 dəfə atəş açılıb. Ekvador prokurorluğu X sosial şəbəkəsində Mütəşəkkil Cinayətkarlıqla Mübarizə üzrə Milli İxtisaslaşdırılmış Bölmənin prokurorunun qətli ilə bağlı istintaqa başladığını açıqlayıb.
Qeyd edək ki, Ekvador prezidenti Daniel Noboa yanvarın 10-da həbsxana iğtişaşlarının şəhər küçələrinə sıçramasından sonra ölkənin “daxili silahlı qarşıdurma” rejiminə keçdiyini elan edib. Hadisələrdən biri də televiziya studiyasının ələ keçirilməsi olub. Pulemyot və qumbaraatanlarla silahlanmış maskalı və kapüşonlu şəxslər “TC Televisin” kanalının canlı yayımını kəsərək əməkdaşları girov götürüblər. Xilasetmə zamanı ölən olmayıb, 13 cinayətkar həbs edilib.
Poliqon.info