Peyvəndin istifadəsi tək xərçəng müalicəsi ilə müqayisədə xəstələrin təkrarlanma və ya ölüm riskini 44 faiz azaldıb...
Yeni araşdırma dəri xərçənginin ölümcül forması ilə mübarizə aparan fərdiləşdirilmiş mRNT peyvəndinin immunoterapiya dərmanı ilə birləşdirildikdə xəstəliyin təkrarlanma və ya ölüm riskini azalda biləcəyini ortaya çıxarıb.
Poliqon xəbər verir ki, bu barədə CNN telekanalının məlumatında deyilir.
Dəri xərçəngi peyvəndinin 2-ci faza sınağının nəticələri ekspert rəyindən keçməsə də, Amerika Xərçəng Tədqiqatları Assosiasiyasının iclasında təqdim edilib.
Xərçəng müalicəsi mərkəzi olan Kütləvi Ümumi Xərçəng Mərkəzindən onkoloq Rayan Sullivan “Bu, peyvənd üçün fərdiləşdirilmiş yanaşmanın üzərində işləməyə dəyər ola biləcəyini göstərən ilk real məlumatdır”, deyib.
“Moderna” və dərman şirkəti “Merck” tərəfindən yaradılan yeni müalicəni sınaqdan keçirmək üçün tədqiqatçılar peyvəndi immun reaksiyanı gücləndirən dərmanla birlikdə 107 dəri xərçəngi xəstəsinə veriblər. 50 iştirakçıda yalnız standart müalicə prosesi davam etdirilib.
Bütün xəstələrin xərçəng şişləri cərrahi yolla çıxarılsa da, təkrarlanma riski yüksək olub. Tədqiqatçılar iki il ərzində yalnız standart müalicə alan xəstələrin 40 faizinin (20 nəfər) xərçəngin geri döndüyünü aşkar ediblər.
Bununla belə, hər iki müalicəni alanların yalnız 22 faizi (24 nəfər) residiv (yenidən təkrarlanma) edib.
Peyvəndin istifadəsi tək xərçəng müalicəsi ilə müqayisədə xəstələrin təkrarlanma və ya ölüm riskini 44 faiz azaldıb.
Bu araşdırmanın potensial böyük bir addım olduğunu bildirən Sullivan “Yalnız melanoma xəstələri üçün deyil, digər xərçəng növləri üçün də ümid ola bilər”, deyib.
Tədqiqatçılar bu ilin sonunda peyvəndin 3-cü faza sınaqlarına başlamağı gözləyirlər. Oxşar nəticələr göstərərsə, müalicə üç il ərzində xəstələr üçün təsdiqlənə bilər.
Dünyada milyonlarla insanı COVID-19-a qarşı peyvənd etmək üçün istifadə edilən mRNA vaksin texnologiyası hələ pandemiya başlamazdan əvvəl xərçəng üçün hazırlanırdı.
Poliqon.info
Digərxəbərlər
Populyar xəbərlər
