CNN: Putinin amansız oyunu taxıl sazişinin bərpasına mane ola bilməyəcək...

“Rusiya prezidenti Vladimir Putin taxıl müqaviləsində iştirakdan imtina etməklə amansızcasına dünyaya xatırlatdı ki, o, təkcə Ukraynaya deyil, bir çox başqa ölkələrə də problem yaratmağa qadirdir. Lakin Rusiyanın ritorikası və bəzi digər ölkələrin reaksiyaları razılaşmanın ləğvinin qəti olmayacağını deməyə əsas verir”.

Poliqon xəbər verir ki, bu barədə CNN yazıb.

Nəşrin təhlilinə görə, taxıl müqaviləsi “müharibə zamanı nadir diplomatik işıq şüası” idi.

Bəs, Rusiyanın müqaviləni uzatmaqdan imtina etməsinin səbəbləri nə ola bilər?

CNN qeyd edir ki, Putin razılaşmanı uzatmaqdan imtina etməklə, görünür, Rusiya iqtisadiyyatına qarşı sanksiyalar müqabilində Qərbə şərtlər qoymağa çalışır.

"O, təklif edə bilər ki, ərzaq inflyasiyası böhranı NATO ölkələrində Ukraynanı xilas etməkdə uzun və bahalı səylər üçün siyasi dəstəyin bölünməsinə kömək edə bilər. Və inkişaf etməkdə olan ölkələrdə günahsız insanların əziyyət çəkdiyi taxıl qıtlığı, müharibəyə son qoulması üçün danışıqların aparılmasını tələb edən beynəlxalq təzyiqi gücləndirə bilər", deyə məqalədə qeyd edilir.

Rusiya da sazişdən imtinasını faydalardan öz payını almamaqla əsaslandırıb. Bununla belə, Kremlin sözçüsü Dmitri Peskov eyham vurub ki, Moskva məqsədlərinə çatdıqdan sonra Ukraynanın Qara dəniz limanlarından ixracın bərpasına icazə verə bilər. Eyni zamanda, BMT-nin Baş katibi Antonio Quterreş Putinə ünvanladığı məktubda iddia edib ki, razılaşmaya əsasən, Rusiya taxılının ticarəti yüksək ixrac həcmlərinə çatıb və gübrə bazarları Rusiya istehsalının qaytarılması ilə tam bərpa olunmağa yaxınlaşır.

"BMT rəhbərinin şərhləri bu fikri gücləndirdi ki, hazırda Rusiya Qara dəniz taxılında əməliyyatı davam etdirməkdən imtinada dəstək nöqtəsi görür. Lakin müqavilənin ləğvindən sonra Rusiyanın ritorikası və digər Avrasiya ölkələrindəki əsas oyunçuların reaksiyası onu deməyə əsas verir ki, müqavilənin ləğvi Kremlin iddia etdiyi qədər qəti olmaya bilər", deyə CNN qeyd edir.

Poliqon.info