Çin Türkiyənin Afikada və Uzaq Şərqdəki fəaliyyətindən narahatdır

Poliqon xəbər verir ki, Avstraliya Strateji Siyasət İnstitutu (ASPI) Türkiyənin Afrika Buynuzu bölgəsində (Somali, Efiopiya, Eritreya və Cibuti) artan təsirini təhlil edir və bunun Çin üçün narahatlıq doğurduğunu iddia edir.

“Türkiyə ilə Somali arasında bu yaxınlarda imzalanmış “Müdafiə və İqtisadi Əməkdaşlıq Çərçivə Sazişi” Pekində müzakirələrə səbəb olub. Müqavilə Türkiyənin xarici siyasətindəki daha geniş dəyişikliklərin bir hissəsidir. Əvvəllər Ankara yaxınlıqdakı regionlara (Yaxın Şərq, Cənubi Qafqaz və Aralıq dənizi) diqqət yetirirdi. Amma indi bu ölkənin siyasəti Afrika Buynuzu bölgəsində daha aqressivdir və onun hüdudlarından kənara da yayılır”, deyə hesabatda qeyd edilir.

Qeyd edilir ki, Türkiyə Uzaq Şərqin Yaponiya və Cənubi Koreya kimi heç bir ərazi mübahisəsi olmayan inkişaf etmiş ölkələri ilə daha möhkəm əlaqələr qurur.

“Türklərin bu cür fəaliyyəti çinliləri sevindirmir, çünki Türkiyə buradakı fəaliyyətini getdikcə genişləndirməklə Çini bölgədə sıxışdıra bilər”, deyə Avstraliya Strateji Siyasət İnstitutunun hesabatında qeyd edilir.

Poliqon.info