Cəlilabad və Biləsuvar rayonlarında elektrik enerjisinin verilişi bərpa olunub.
"Report"un Muğan bürosunun məlumatına görə, hər iki rayonda axşam saatlarından etibarən güclü küləyin əsməsi nəticəsində elektrik enerjisinin verilişi dayandırılmışdı.
Hazırda bölgədə sakit hava şəraiti müşahidə olunur.
***
Cəlilabad və Biləsuvar rayonları ərazisində güclü külək əsir.
"Report" xəbər verir ki, axşam saatlarından etibarən əsməyə başlayan güclü külək insanlar arasında təşvişə səbəb olub.
Belə ki, son bir neçə saat ərzində Cəlilabad təcili tibbi yardım stansiyasına 10, Biləsuvar təcili tibbi yardım stansiyasına isə 6 çağırış daxil olub. Bu da əvvəlki normal çağırışlardan təxminən 2 dəfə çoxdur.
Faktiki hava şəraiti səbəbindən hər iki rayonun bəzi hissələrində elektrik enerjisinin verilməsi dayandırılıb.
Digər fəsadların olub-olmaması araşdırılır.
Hazırda bölgədə küləkli hava şəraiti davam edir.
Poliqon.info
Digərxəbərlər
Populyar xəbərlər
