Böyük Britaniya dünyada lider rolunu qoruyub saxlamaq cəhdi ilə müdafiə xərclərini artırır, lakin bu hələ də kifayət etmir...
Poliqon xəbər verir ki, Almaniyanın “Das Erste” telekanalı bu qənaətə gəlib.
Telekanal “beynəlxalq məsuliyyəti öz üzərinə götürməyin Britaniya siyasətinin bir hissəsi olduğuna” diqqət çəkib. Kanal qeyd edir ki, İcmalar Palatasında baş nazir Rishi Sunak, mülki gəmilərə edilən hücumlara cavab olaraq Husilərin mövqelərinə hərbi zərbələrin endirilməsini zəruri “özünümüdafiə” kimi qiymətləndirib. O, həmçinin Qırmızı dənizdə gəmilərə hücumların davam edəcəyi təqdirdə növbəti zərbələrlə hədələyib. London da Ukraynaya yardım etməyi öhdəsinə götürüb və münaqişə başlayandan bəri ingilislər 60 min Ukrayna əsgərinə təlim keçib.
“Ancaq bu beynəlxalq mövcudluq çox pula başa gəlir. Və lazımi vəsaiti toplamaq getdikcə çətinləşir”, deyə telakanal qeyd edir.
Böyük Britaniyanın müdafiə naziri Qrant Şapps müdafiə büdcəsinin artırılmasının zəruriliyini bəyan edərək, hökumətin artıq müdafiəyə 50 milyard funt-sterlinqdən çox xərclədiyini qeyd edib.
“2024-cü ildə biz xərcləri daha da artıraraq ÜDM-in 2,5 faizinə çatdırmağı planlaşdırırıq”, deyə nazir qeyd edib.
Eyni zamanda,telekanala müsahibə verən ekspertlər Britaniyanın “çürüməkdə olan” nüvə raket arsenalının yenilənməsinin zəruriliyinə diqqət çəkiblər. Bununla belə, bunun üçün xərclər açıqlanmır, lakin bu xərclərin “böyük” olacağı açıq-aydın görünür.
“Yüksək xərclərə baxmayaraq, bir şey aydındır: Britaniya Ordusunun fəaliyyət imkanları məhduddur”, “Das Erste” vurğulayır.
Poliqon.info