2022-ci ildə Böyük Britaniyadakı ruslar hücumlara, təhdidlərə məruz qalıblar…
Poliqon.info xəbər verir ki, Sky News kanalı Britaniyada ruslara qarşı onlarla hücum hadisəsi barədə məlumat verib. Kanalın məlumatına görə irqi motivli nifrət cinayətlərinə Ukrayna müharibəsi səbəb olub.
Sky News kanalı müəyyən edib ki, ötən il Rusiya və ruslar əleyhinə cinayətlərin sayı orta hesabla iki dəfə artıb. Bəzi hallarda hücumların qurbanları gənc məktəblilər olub.
Bununla belə, kanal bildirib ki, məlum cinayətlərin sayı aysberqin görünən hissəsidir. Hücumların bir çox qurbanları bu barədə məlumat verməkdən qorxurlar.
Ruslara tikinti meydançalarında, supermarketlərdə və keçidlərdə hücum edilir. Hüquq firmaları, tərkibində naməlum ağ toz olan Ukraynayönlü məktublar alır. Ruslara məxsus mağazaların yandırılacağı və ya məhv ediləcəyi vəd edilir.
Keçən il təkcə Mançesterdə ruslara qarşı irqi nifrət zəminində 13 cinayət törədilib. 2020-ci ildə Mançesterdə cəmi iki, 2021-ci ildə isə altı belə hücum olub.
Poliqon.info