Borrel Orbanın Aİ xarici işlər nazirlərini toplamaq planlarını boykot edəcək

Poliqon xəbər verir ki, bu baərədə Politico qəzeti məlumat yayıb. Nəşr yazır ki, Avropa diplomatiyasının rəhbəri Cosep Borrell Macarıstanın Aİ xarici siyasət məsələləri üzrə görüşünü təyin etdiyi günlərdə Avropa İttifaqının Xarici İşlər nazirliklərinin rəhbərlərini bir araya toplamaq niyyətindədir.

“Avropa İttifaqının xarici işlər nazirləri baş nazir Viktor Orbanın tədbiri üçün Budapeştə getmək əvəzinə avqustda özlərinin xarici işlər sammitini təşkil etməklə Macarıstana məhəl qoymamaq niyyətindədirlər”, deyə məqalədə qeyd olunur.

Qeyd edilir ki, Macarıstanın Aİ Şurasına sədrliyi avqustun 28-29-da Budapeştdə xarici əlaqələr sammitinə ev sahibliyi etməyi planlaşdırır.

Adının çəkilməsini istəməyən plandan birbaşa xəbəri olan üç Aİ diplomatına görə, Borrell, Orbanın sammiti ilə eyni vaxtda rəsmi olaraq xarici işlər şurası üçün nazirləri toplantıya çağıracaq.

Xatırladaq ki, Macarıstan baş nazirinin diplomatik səyləri Avropa İttifaqı rəhbərliyinin kəskin narazılığına səbəb olur. Daha əvvəl Avropa Hüquq Xidməti onun Rusiyaya son səfərinin Aİ müqavilələri ilə ziddiyyət təşkil etdiyini bildirib.

Poliqon.info