BMT: Liviyada qeyri-mütəşəkkillik daşqında çoxlu sayda insanın həlak olmasına səbəb olub...
Liviyada daşqın qurbanlarının çox olmasına səbəb ölkədə uzunmüddətli siyasi böhranın yaratdığı yerli hakimiyyət orqanlarının qeyri-mütəşəkkilliyi olub.
Poliqon xəbər verir ki, bu barədə BMT-nin himayəsi altında Ümumdünya Meteorologiya Təşkilatının (ÜMT) rəhbəri Petteri Taalas Cenevrədə keçirdiyi mətbuat konfransında bildirib.
“Daha yaxşı koordinasiya ilə yerli hakimiyyət orqanları xəbərdarlıqlar verə bilər və fövqəladə halların idarə olunması xidmətləri insanları evakuasiya edə bilərdi ki, bu da çoxlu sayda mülki itkilərin qarşısını ala bilərdi”, deyə Petteri Taalas deyib.
TaalasLiviyada daxili qarşıdurma illərində hava şəraitini müşahidə edən şəbəkənin böyük ölçüdə məhv edildiyini də vurğulayıb.
“Təxliyə müvafiq erkən xəbərdarlıq sistemləri olmadığı üçün həyata keçirilməyib”, deyə ÜMT rəhbəri əlavə edib.
Qeyd edək ki, “Daniel” qasırğasının yaratdığı daşqınların Dernada qurbanlarının sayının yeddi mini keçdiyi, itkin düşənlərin sayının isə doqquz min nəfərə çatdığı bildirilir.
Liviyada siyasi qeyri-sabitlik 2011-ci ilin fevralında ölkədə vətəndaş müharibəsi başlayandan və Yaxın Şərq ölkələrini bürüyən “ərəb baharı”ndan bəri müşahidə olunur.
Poliqon.info