BMT: Bu il Qafqaz və Mərkəzi Asiya ölkələri uçot dərəcəsini azaltmaqda davam edəcək

"APA-Economics" xəbər verir ki, bu barədə Birləşmiş Millətlər Təşkilatının (BMT) qlobal iqtisadiyyatla bağlı hesabatında bildirilib.

Qeyd edilib ki, region ölkələri arasında Ermənistan, Belarus, Gürcüstan, Qazaxıstan, Moldova və Azərbaycan bir sıra faiz artımlarından sonra yumşalma dövrünə keçid edib. "İnflyasiya perspektivi ehtimal ki, 2024-cü ildə faiz dərəcələrinin daha da azaldılmasını təşviq edəcək" - hesabatda əlavə edilib.

Xatırladaq ki, Azərbaycan Mərkəzi Bankı ötən il verdiyi son iki qərarla uçot dərəcəsini 9%-dən 8%-dək, faiz dəhlizinin yuxarı parametrini 10%-dən 9%-dək, aşağı həddini isə 7,5%-dən 6,5%-dək endirib.

Poliqon.info