Entoni Blinken, İsrail Müdafiə Nazirliyinin rəhbəri ilə Qəzzada atəşkəsin yaradılması səylərini müzakirə edib...
ABŞ dövlət katibi Entoni Blinken və İsrailin müdafiə naziri Yoav Qalant Qəzza zolağında atəşkəsə nail olmaq və qalan girovların azad edilməsi səylərini müzakirə ediblər.
Poliqon xəbər verir ki, bu barədə ABŞ Dövlət Departamentinin mətbuat xidmətinin rəhbəri Metyu Millerin bazar günü yaydığı yazılı bəyanatda deyilir.
“Dövlət katibi və nazir İsrailin təhlükəsizliyini təmin etmək səylərini və girovların azad edilməsinə nail olmaq üçün danışıqları, atəşkəs və Qəzzanın mülki əhalisinə kritik humanitar yardım axınının artırılmasını müzakirə ediblər”, deyə bəyanatda bildirilir.
Miller qeyd edib ki, söhbət zamanı Blinken regionda gərginliyin azaldılması üzrə tədbirlərə diqqət yetirib.
Departament qeyd edib ki, dövlət katibi İsrail hərbi kabinetində nazir Benni Qantzla da danışıb. Tərəflər Fələstin anklavının mülki əhalisinə dəymiş ziyanı minimuma endirmək üçün əlavə addımları, eləcə də münaqişənin yayılmasının qarşısını almaq səylərini müzakirə ediblər.
Poliqon.info
Digərxəbərlər
Populyar xəbərlər
