ABŞ prezidenti bildirib ki, Rusiya Xersondan çəkilmək qərarını vermək üçün ABŞ-dakı seçkilərin nəticələrini gözləyirdi...
“Kreml qoşunları Xersondan çıxartmaq üçün qərar verməyə məcbur idi, biz çoxdan bilirdik ki, onlar bu qərarı ABŞ-dakı seçkilər bitən kimi verəcəklər”.
PİA.az Bloomberg-ə istinadən xəbər verir ki, bu sözləri ABŞ prezidenti Co Bayden Vaşinqtonda jurnalistlərlə keçirdiyi mətbuat konfransında Rusiya ordusunun Xersondan çəkilməsini şərh edərkən deyib.
“Bu qərar ondan xəbər verir ki, Rusiya ordusunun böyük problemləri var”, deyə ABŞ prezidenti fikrini davam etdirib.
“Rusiyanın bütün qış dövründə fikirləşmək və öz mövqeyinə baxmaq vaxtı üçün vaxtı var. O zamana qədər də Ukrayna Rusiyaya qarşı güzəştə gedib-getməyəcəyi ilə bağlı qərar verəcək”, deyə Bayden vurğulayıb.
Qeyd edək ki, Rusiyanın müdafiə naziri Setgey Şoyqu dünən qpşunların Xersondan Dneprin sol ahilinə çəkilməsi ilə ba\lı əmr verib.
pia.az