Yanvarın 23-də DTK əməkdaşları Belarusun bütün ərazisində keçmiş siyasi məhbuslar və siyasi ittihamlarla məhkum olunmuş şəxslərin yaxınları üzərində kütləvi axtarışlar aparıblar...
Poliqon xəbər verir ki. bu barədə Belarusun hüquq müdafiəçiləri məlumat yayıb.
Hüquq müdafiəçilərinin sözlərinə görə, onlar bu gün axtarışda olan və ya saxlanılan ən azı 73 nəfərin adını bilirlər. Qeyd olunur ki, bəzi hallarda insanlar bütöv bir ailə kimi saxlanılıb. Saxlanılanlar arasında siyasi məhbus və prezidentliyə keçmiş namizəd Nikolay Statkeviçin həyat yoldaşı Marina Adamoviç və 76 yaşlı Vitebsk fəalı Boris Xamaida da var.
“Zerkalo” nəşrinin mənbəsi bildirib ki, yanvarın 23-də axtarışa verilənlər arasında siyasi məhbusların yaxınlarının gündəlik məsələləri müzakirə etdiyi qapalı söhbətlərdən birində olanlar da olub. Nəşrin mənbələrinin sözlərinə görə, DTK əməkdaşlarını xüsusilə BYSOL yardımı ilə bağlı çatda yazanlar maraqlandırıb.
Axtarış əmrlərinə “ekstremist fəaliyyəti maliyyələşdirmə” və “ekstremist qruplarda iştirak” ilə bağlı cinayət maddələri daxil edilib. “Viasna” və “Zerkalo” nəşrlərinin məlumatına görə, saxlanılanlardan bəzilərinə birbaşa DTK əməkdaşları bildiriblər ki, axtarışlar INeedHelpBY təşəbbüsü ilə bağlıdır.
Qeyd edilir ki. bu layihə siyasi repressiyalardan əziyyət çəkən və çətin maliyyə vəziyyətində olan belaruslara ərzaq təminatında kömək edir. Yanvarın 16-da DTK bu təşəbbüsü “ekstremist birləşmə” elan edib.
Poliqon.info