ABŞ prezidenti Co Baydernin qardaşı Ceyms Bayden Qətər hökumətinin nümayəndələri ilə Amerika səhiyyə müəssisələrinin maliyyələşdirilməsi məsələsi ilə bağlı yaxından məsləhətləşmələr aparıb...
Poliqon xəbər verir ki, bu barədə Politico qəzeti Kentukki ştatının məhkəmə məlumat bazasındakı sənədlərə istinadən məlumat yayıb.
Nəşr bu əlaqələri "Baydeinn qohumu ilə xarici hökumət arasında ən yaxın əlaqələrdən biri" adlandırır. Qəzet Amerika liderinin qardaşının keçmiş biznes ortağı Maykl Lyuittin istinadən yazıb ki, Ceyms Bayden 2017-ci ilin əvvəlində vitse-prezident postunu tərk edən Co Baydendən bir neçə ay sonra Amerika biznesləri üçün Qətər mənbələrindən maliyyə cəlb etmək niyyətində olub. "Politico"ya görə, hazırkı dövlət başçısının qardaşı Qətər rəsmiləri ilə "kifayət qədər güclü əlaqələr" qurub.
Fevral ayında Nümayəndələr Palatasının Nəzarət və Hesabat Komitəsinin və Nümayəndələr Palatasının Məhkəmə Komitəsinin birgə iclasında çıxış edən Ceyms Bayden ABŞ prezidentinin bu işə qarışmadığını və onun biznesi ilə maraqlanmadığını bildirib.
"The Washington Post" yazıb ki, ABŞ Federal Təhqiqatlar Bürosu Ceyms Baydenlə 2008-ci ildə araşdırılan hakimin rüşvət alması işində iştirak edən şəxs arasında əlaqəni qeydə alıb. Hazırda Nümayəndələr Palatasına nəzarət edən respublikaçılar demokrat Baydenə qarşı impiçment araşdırması aparırlar. Bu kontekstdə onlar başqa məsələlərlə yanaşı, prezidentin qardaşı və oğlunun maliyyə məsələlərini də öyrənirlər.
2023-cü il dekabrın 13-də Nümayəndələr Palatası dövlət başçısının impiçmenti ilə bağlı əlavə araşdırma aparılmasına göstəriş verən qətnaməni təsdiqləyib. Dekabrın 2-də Amerika qanunverici orqanının aşağı palatasının spikeri Mayk Conson bildirib ki, Ağ Ev respublikaçıların dövlət başçısı və onun ailə üzvlərindən şübhələndikləri cinayətləri araşdırmasına mane olur.
Poliqon.info
Digərxəbərlər
Populyar xəbərlər
