ABŞ prezidenti Co Bayden seçicilər qarşısında çıxışı zamanı deyib ki, Vaşinqton Ukraynanı Rusiya prezidenti Vladimir Putindən qoruya bilər...
Poliqon xəbər verir ki, Şimali Karolinada seçiciləri qarşısında çıxış edən Co Bayden həmçinin Putini !qəssab” adlandırıb. ABŞ prezidentinin çıxışı Ağ Evin saytında əks olunub.
Bayden varlı vətəndaşlar üçün gəlir vergisinin 8,2%-dən 25%-ə qaldırılması təşəbbüsündən danışıb. Onun sözlərinə görə, bu, yaxın 10 ildə büdcəyə yüz milyardlarla dollar cəlb etməyə imkan verərdi.
“Bununla nə edə biləcəyimizi təsəvvür edin. Biz federal büdcə kəsirini əhəmiyyətli dərəcədə azalda bilərdik. Ardıcıl olaraq edə biləcəyimiz çox şey var. O cümlədən - nəhayət, Ukraynanı “qəssab” Putindən qorumaq üçün vacib addımlar ata bilərik”, deyə Bayden qeyd edib.
Xatırladaq ki, fevralın 22-də seçki kampaniyası zamanı Co Bayden deyib ki, Birləşmiş Ştatlar “Putin və başqaları kimi çılğın fahişə övladları” səbəbindən nüvə müharibəsi təhlükəsi ilə üzləşib. Kreml Amerika prezidentinin bəyanatını ABŞ üçün biabırçılıq adlandırıb. Mart ayında Co Bayden Vladimir Putini “qatil” hesab edib-etmədiyini soruşduqda müsbət cavab verib.
Poliqon.info