Bu gün səhər saat 08:30 radələrində "Bakı Metropoliteni" QSC-də qatarların hərəkətində ləngimə yaranıb.
"Report" xəbər verir ki, gecikmə metronun “Memar Əcəmi” stansiyasında daha çox hiss edilib.
Sərnişinlərin sözlərinə görə, “Dərnəgül-Həzi Aslanov” xətti ilə hərəkət edən bəzi qatarlar gecikib, bir neçəsi isə “Memar Əcəmi” stansiyasında sərnişinləri boşaldaraq geri qayıdıb. Nəticədə 20 dəqiqəyə qədər yubanma olub.
Bakı metrosunun mətbuat xidmətinin rəhbəri Bəxtiyar Məmmədov “Report”a bildirib ki, məsələdən xəbərdardır. Hazırda gecikmənin hansı səbəbdən baş verməsi araşdırılır.
Poliqon.info
Digərxəbərlər
Populyar xəbərlər
