Bakıdakı turnirin qalibi təəsüratlarını paylaşıb
Yarışın qalibi oldum. Bakıdakı Qran-Pri turniri yüksək səviyyədə təşkil olunub.
Bunu Oxu.Az-a açıqlamasında Bakıda keçirilən paracüdo üzrə Qran-Pri turnirində qızıl medal qazanan iranlı Vahid Nuri söyləyib.
90 kq çəki dərəcəsində finalda Azərbaycan təmsilçisi Rövşən Səfərovu məğlub edən idmançı Tokio 2020 Yay Paralimpiya Oyunlarında iştirak etmək istədiyini deyib:
“Bir aydan çoxdur ki, Bakıdakı yarışa hazırlaşırdıq. İnanıram ki, bundan sonra da yaxşı nəticələr əldə edəcəyəm. Olimpiadada çıxış etmək niyyətindəyəm”.
Vahid Nuri Bakı haqqında da xoş fikirlər söyləyib:
“Şəhəri gəzdik. Bura xoşumuza gəlir. Bakının təhlükəsizliyi çox yaxşıdır. Burada heç bir narahatçılığımız olmadı. Bakını bəyənirik. Britaniya mətbuatında deyildiyi kimi, Bakı təhlükəli şəhər deyil. Özümü burda İrandakı kimi hiss etdim”.
pia.az
Digərxəbərlər
Populyar xəbərlər
