19-23 noyabr tarixlərində Niderlandda təşkil edilmiş batut gimnastikası üzrə onlayn “Dutch Trampoline Open” yarışlarının nəticələri bəlli olub.
Yarışda ən yaxşı nəticəni 13-14 yaşlı gimnastlar arasında iştirak etmiş Maqsud Mahsudov göstərib. Fərdi batut yarışlarında o, bütün rəqiblərini geridə qoyaraq, 95.060 xalla 1-ci yerə layiq görülüb.
Maqsudla eyni yaş qrupunda çıxış etmiş Hüseyn Abbasov isə 94.450 xalla ikinci olub.
Böyüklər arasında ölkəmizi Selcan Mahsudova təmsil edib. İcra etdiyi proqrama görə 101.450 xal alan Selcan yarışda ikinci yeri tutub. 1 və 3-cü yerlərə isə Almaniyadan olan gimnastlar yiyələnib.
Qeyd edək ki, Selcan və Maqsud Mahsudovlar bacı-qardaşdır.
pia.az
Digərxəbərlər
Populyar xəbərlər
