Mərhum Əməkdar artist Aygün Hümmətova (Bəylər) ilə vida mərasiminin keçiriləcəyi yer açıqlanıb...
Oxu.Az xəbər verir ki, sənətçi ilə vida Səttar Bəhlulzadə adına Mədəniyyət evində keçiriləcək.
Mərhum oradan Suraxanı qəbrstanlığına yola salınacaq.
***
Aygün Bəylərin dəfni, çox güman, sabah olacaq.
Bunu APA-ya açıqlamasında sənətçinin bacısı Zümrüd Hümbətova deyib.
Onun sözlərinə görə, cənazə Bakıya hələ gətirilmədiyi üçün dəfn sabaha nəzərdə tutulur.
"Güman ki, sabah günorta saatlarında dəfn olunacaq. Dəfn yeri Suraxanı qəbiristanlığı nəzərdə tutulub".
***
Dünən Türkiyənin Ankara şəhərində müalicə aldığı xəstəxanada vəfat edən Əməkdar artist Aygün Bəylərin cənazəsi Heydər Əliyev Fondunun təyyarəsi ilə yerli vaxtla 14:00-da Ankaradan Bakıya yola düşüb.
Bu barədə APA-nın Türkiyə müxbirinin sorğusuna cavab olaraq Azərbaycanın Türkiyədəki səfirliyindən bildirilib.
Qeyd olunub ki, cənazə bütün zəruri sənədləşdirmə işləri yekunlaşdırılaraq xüsusi təyyarə ilə yola salınıb.
***
“Dünən Türkiyənin Ankara şəhərində müalicə aldığı xəstəxanada vəfat edən Əməkdar artist Aygün Bəylərin cənazəsinin Azərbaycana gətirilməsi ilə bağlı sənədləşmə işləri aparılır”.
Bu barədə APA-nın sorğusuna cavab olaraq, Mədəniyyət Nazirliyindən məlumat veriblər.
Qeyd olunub ki, vida və dəfn məsələlərinə təyyarə Bakıya çatdıqdan sonra qərar veriləcək:
“Cənazə Aygün Bəylərin Suraxanıdakı evinə gətiriləcək”.
APA-nın əldə etdiyi xəbərə görə, sözügedən reys Ankaradan 12:50-də qalxacaq.
Xatırladaq ki, uzun müddətdir, onkoloji xəstəlikdən əziyyət çəkən sənətçi dünən gecə Türkiyədə vəfat edib.
Poliqon.info