Avstriya kansleri Karl Nehammer Türkiyənin Avropa İttifaqına tam üzvlüyünü mümkün hesab etmir...
Poliqon xəbər verir ki, kansler bu barədə Almaniyanın Welt nəşti məlumat yayıb.
Karl Nehammer Türkiyə ilə 18 il əvvəl başlayan və son 5 ildə dondurulmuş Aİ-yə üzvlüklə bağlı danışıqlara rəsmi son qoymağa çağırıb:
“Biz Ankara ilə Brüssel arasında daha da yaxınlaşmanın tərəfdarıyıq, lakin Türkiyənin Aİ-yə tam üzv olması bizim üçün mümkün deyil”.
Onun sözlərinə görə, Aİ və Türkiyənin bir-birinə “ədalətli” yanaşması vacibdir, ona görə də onlar Ankara ilə münasibətləri “yaxşı qonşuluq əməkdaşlığı” əsasında qurmağa başlamalıdırlar. O, həmçinin Vyana və Ankaranın hazırda ikitərəfli əməkdaşlığın uğurla davam etdiyini qeyd edib və yaxın vaxtlarda Türkiyə prezidenti Rəcəb Tayyib Ərdoğanla görüşməyi planlaşdırdığını qeyd edib.
Qeyd edək ki, Türkiyə 1963-cü ildə Aİ ilə assosiasiya sazişi imzalayıb və 1987-ci ildə birliyə üzvlük üçün müraciət edib. Lakin üzvlüklə bağlı danışıqlar yalnız 2005-ci ildə başlayıb və fikir ayrılıqlarına görə dəfələrlə dayandırılıb. Hazırda danışıqlar dosyesinin 35 fəslindən 16-sı açıqdır.
Poliqon.info