Almaniya Litvaya 4 min əsgərdən ibarət briqada göndərmək niyyətindədir...
Poliqon xəbər verir ki, bu barədə Almaniyanın müdafiə naziri Boris Pistorius bildirib.
“Biz 2024-cü ilin sonunda briqadanın yaradılmasını görəcəyik. Bu, təkcə Litva üçün deyil, həm də bizim üçün ciddi problemdir. Bu, Almaniya Bundesveri üçün görünməmiş bir hadisədir”, deyə Almaniyanın müdafiə naziri çərşənbə axşamı Estoniyanın ERR portalına bildirib.
“Biz qarşıdakı illərdə atacağımız addımlar barədə litvalı dostlarımızla çox yaxşı danışıqlar aparırıq. Noyabrın sonu və ya dekabrın əvvəlində yol xəritəmiz olacaq və bundan sonra necə hərəkət edəcəyimizi daha dəqiq biləcəyik”, deyə Pistorius deyib.
Pistorius müsahibəsində Almaniya hökumətinin Estoniyada sursat istehsalına başlamağı da nəzərdən keçirdiyini bildirib.
Alman nazir qeyd edib ki, Almaniya müdafiə xərclərini ümumdaxili məhsulun 2%-nə və hətta daha çox artırmağı planlaşdırır.
Poliqon.info