AKP sözçüsü: Heç kim Azərbaycan dövlətinin icazəsi olmadan ərazisində faydalı qazıntı işləri apara bilmə
Azərbaycan torpaqlarında heç kim Azərbaycan dövlətinin icazəsi olmadan faydalı qazıntı işləri apara bilməz.
APA-nın İstanbul müxbirinin xəbərinə görə, bunu Türkiyənin hakim Ədalət və İnkişaf Partiyasının (AKP) sözçüsü Ömər Çelik mətbuat konfransı zamanı deyib.
O qeyd edib ki, Laçın dəhlizindəki gərginlik də məhz bu səbəbdən baş verib.
“Rusiyanın sülhməramlı kontingentinin müvəqqəti yerləşdiyi ərazilərdəki yaşayan ermənilərin Azərbaycan rəsmilərindən icazə almadan yataqlarda istismar işlərini davam etdirməsi qəbuledilməzdir. Ermənistan bölgədə artıq təxribatlardan çəkinməli. Bölgədə sülhün bərqərar olması hər kəs üçün xeyirli olacaq”, - deyə o bildirib.
pia.az