Avropa Komissiyası yeni tövsiyələrində Avropa İttifaqı ölkələrini Rusiya qazının tədarükünü tamamilə dayandırmağa hazır olmağa çağırır...
Poliqon xəbər verir ki, bu barədə “RİA Novosti” Agentliyi komissiyanın tövsiyələrinə istinadən məlumat verib.
“Gələn qış üçün qaz anbarı hədəfləri 90% səviyyəsində müəyyən edilib və Aİ-yə üzv dövlətlərin tədarük sahəsində əməkdaşlıq etməsi şərti ilə, hətta Rusiya qazının tam çatışmazlığı halında qurum bu hədəfi yerinə yetirə bilməlidir”, deyə məlumatda bildirilir.
Qeyd edək ki, 2022-ci ildə Rusiya qazının Avropa ölkələrinə idxalı 50%-dən çox azalaraq, təxminən 80 milyard kubmetr təşkil edib. Çatdırılmalar əsas marşrut – “Şimal axını” magistralı və balanslaşdırma marşrutu - Yamal-Avropa üzrə dayandırılıb, həmçinin Ukrayna marşrutu boyunca üç dəfə azalıb. İndi Rusiya boru kəməri qazı Avropaya Ukraynanın qaz nəqli sisteminə iki giriş nöqtəsindən biri ilə və Türkiyədən keçməklə, “Türk axını” və “Mavi axın” vasitəsilə nəql olunur.
Avropa İttifaqı 2022-ci ilin mart ayında Rusiyadan yanacaq idxalını mərhələli şəkildə dayandırmaq, enerji təchizatı təhlükəsizliyini yaxşılaşdırmaq və yaşıl keçidi dəstəkləmək üçün tədbirləri əks etdirən RePowerEU planını hazırlayıb və qaz və elektrik enerjisinə tələbatın azaldılması üçün əlavə tədbirlər təklif edib.
Poliqon.info