Aİ Ukraynaya planlaşdırılan maliyyə məbləğinin yalnız yarısını ayırmağa hazırdır

Poliqon xəbər verir ki, bu barədə telemarafonun efirində Ukrayna iqtisadiyyat nazirinin müavini Aleksey Sobolev bildirib.

Ukrayna rəsmisi aydınlaşdırıb ki, bu, planlaşdırıldığı kimi 18 deyil, 9 milyard avro olacaq.

Aİ-nin 2027-ci ilə qədər Kiyevə vəd etdiyi yardımın ümumi məbləği 50 milyard avro təşkil edir ki, bunun da 39 milyard avrosu büdcə kəsirinin ödənilməsinə yönəldilməlidir. Nazirin sözlərinə görə, Ukrayna rəhbərliyi hazırda Aİ ilə 39 milyard avrodan 18 milyard avronun gələn il təmin edilməsi üçün işləyir.

Oktyabrın 24-də Avropa Komissiyası Ukraynaya 1,5 milyard avro məbləğində büdcə yardımının növbəti aylıq tranşını göndərdiyini elan edib.

Ötən gün Ukraynanın baş naziri Denis Şmıxal deyib ki, Kiyev gələn il müharibə dövründəki büdcə kəsirini ödəmək üçün beynəlxalq tərəfdaşlardan təxminən 42 milyard avroya ehtiyac duyacaq. Şmıqal qeyd edib ki, Ukraynanın sosial və humanitar xərcləri ödəmək üçün beynəlxalq yardıma ehtiyacı var. O, həmçinin Rusiya ilə silahlı münaqişənin tez bir zamanda bitəcəyinə ümid etdiyini deyib. Onun sözlərinə görə, Rusiya buna hər an son qoya bilər və Kiyevin müharibənin təşəbbüskarı olmadığını qeyd edib.

"Ortamüddətli perspektivdə Ukrayna iqtisadiyyatına beynəlxalq dəstək Kiyevin ümumi xərclərin daha böyük hissəsini öz üzərinə götürməsinə kömək edəcək", deyə Şmıqal vurğulayıb.

Poliqon.info