Avropa İttifaqı ölkələrinin əksəriyyəti sentyabrın 15-dən sonra Ukrayna taxılının idxalına qoyulan qadağanın uzadılmasına qarşı çıxıb...
Poliqon xəbər verir ki, bu barədə Politico nəşri dörd avropalı diplomata istinadən xəbər verir.
Həmin ölkələr Polşa, Macarıstan, Rumıniya, Bolqarıstan və Slovakiya ilə fikir ayrılığı ilə üzləşib. Beş Aİ ölkəsi qadağanın 2023-cü ilin sonuna qədər uzadılmasının vacibliyində israrlıdır. Politico yazır ki, sentyabrın 6-da Aİ səfirlərinin görüşü keçirilib, orada əksəriyyət ya məhdudiyyətlərin uzadılmasına qarşı çıxıb, ya da təklifə şübhə ilə yanaşıb.
Mənbələr qeyd edir ki, idxal qadağası Fransa və Almaniya nümayəndələri tərəfindən ciddi şəkildə tənqid edilib. Aİ Ukraynanın taxıl idxalı ilə bağlı bir sıra ölkələrin üzləşdiyi çətinlikləri nəzərə alır, lakin assosiasiyanın əksər nümayəndələri Avropa Komissiyasından “alternativ tədbirlər təklif etməyi” xahiş edib.
Yazda polşalı fermerlər Ukrayna taxılının tədarükünə etiraz edib. Onların fikrincə, yerli fermerlər bundan ziyan çəkir. Aprel ayında Avropa Komissiyası Ukrayna taxılına və digər kənd təsərrüfatı məhsullarına embarqo qoyulması ilə bağlı razılığa gəlib. Polşa, Macarıstan, Slovakiya, Rumıniya və Bolqarıstana yalnız dörd növ məhsulun idxalı qadağan edilib: buğda, qarğıdalı, kolza və günəbaxan. Beş ölkə bildirib ki, Avropa Komissiyası məhdudiyyətləri uzatmasa, onlar özləri embarqo tətbiq edəcəklər.
Ukrayna prezidenti Volodimir Zelenski bu ərəfədə qadağanın uzadılmasına etiraz edib. Onun sözlərinə görə, Avropa Komissiyası Aİ-nin beş ölkəsinin tərəfini tutsa, Ukrayna bu qərara etiraz etmək üçün arbitraja gedəcək.
Poliqon.info