Avropa komissarları Aİ ölkələrini Rusiyaya qarşı sanksiyalara əməl etmədiklərinə görə qınayıblar...
Poliqon xəbər verir ki. bu barədə Politico qəzetinin məlumatında bildirilib. Nəşr xəbər verir ki, Avropa Komissiyasının rəhbərliyi Avropa İttifaqına (Aİ) üzv ölkələrin hökumətlərini qadağan olunmuş malların sanksiyaya məruz qalan Rusiyaya daxil olmasına görə tənqid edib. Nəşrin yazdığına görə, Avropa rəsmiləri hesab edirlər ki, bir sıra dövlətlərin rəhbərliyi məhdudiyyətlərə əməl olunmasına fəal nəzarət etmir.
“Politico”nun yazdığına görə, Avropa komissarları bu ölkələrə məktub göndəriblər. Məktubda qeyd edilir ki, üzv ölkələr Rusiyaya qarşı sanksiyalara əməl olunması məsələsində “dərhal, əlaqələndirilmiş və qətiyyətli” hərəkət etməlidirlər. Aİ rəhbərliyi həmçinin hesab edir ki, Aİ-yə üzv dövlətlər tərəfindən sanksiyaların icrasına nəzarət edəcək vahid qurum yaratmaq lazımdır.
Aİ-nin maliyyə rəhbəri Meyridd MakQinnes və ticarət rəhbəri Valdis Dombrovskis nəşrə bildiriblər ki, şirkətlərin sanksiyalardan yayındığı ölkələrlə bağlı təfərrüatları tezliklə paylaşacaqlar.
Poliqon.info