Avropa İttifaqı Qlobal Cənub ölkələri ilə əlaqə saxlamaq üçün Hindistanda keçiriləcək G20 sammitində Rusiya prezidenti Vladimir Putin və Çin lideri Si Szinpinin iştirak etməməsindən istifadə etməyə hazırlaşır...
Poliqon xəbər verir ki, bu barədə Bloomberg Agentliyi məlumat yayıb. Agentliyin məlumatına görə, tədbir çərçivəsində Afrika liderləri ilə görüşlər zamanı əlaqələr qurmaq cəhdi baş verə bilər.
Mənbələr bildirib ki, Aİ Çin və Rusiya liderlərinin Yeni Dehlidə keçiriləcək iki günlük görüşdə iştirak etməməsindən yararlanmaq istəyir.
Aİ-nin Afrika ilə münasibət və əməkdaşlıqda dəyişiklik nümayiş etdirmək niyyətində olduğu bildirilir.
İclaslarda iştirak edəcəyi gözlənilənlər arasında Avropa Komissiyası prezidenti Ursula fon der Leyen, Avropa İttifaqı Şurasının sədri Şarl Mişel və Almaniya kansleri Olaf Şolts da var.
G20 sammiti 9-11 sentyabr tarixlərində Hindistanın paytaxtında keçiriləcək. Forumda Rusiyanı xarici işlər naziri Sergey Lavrov təmsil edəcək. Çin lideri Si Tszipin də görüşə qatılmayacaq və onu Çinin Baş naziri əvəz edəcək.
Poliqon.info
Digərxəbərlər
Populyar xəbərlər
