Amerika hakimiyyəti Ukrayna hərbçilərinə Rusiya ərazisinə hücum etmək imkanı vermir...
Poliqon xəbər verir ki, bu bəyanatla mayın 3-də Ağ Evin mətbuat katibi Karine Jan-Pyer çıxış edib.
Ağ Evin sözçüsü əmin edib ki, Moskva ilə Kiyev arasında münaqişənin lap əvvəlindən ABŞ, Ukraynanın öz sərhədlərindən kənarda zərbə endirməsinə imkan vermir və şübhəsiz ki, Kiyevi buna təşviq etmir.
Ukraynanın dronlarla Kremlə hücum cəhdinə gəlincə, Jan-Pierre bu məsələnin müzakirəsini tez hesab edib və “spekulyasiya etmək” istəmədiyini bildirib. Onun sözlərinə görə, Vaşinqton Moskvanın dediklərini təsdiq edə bilmir.
Ukraynadan isə bildirilib ki, rəsmi Kiyevin Kremlə pilotsuz təyyarə hücumu ilə heç bir əlaqəsi yoxdur. Ukrayna prezidenti Vladimir Zelenski hətta Rusiyanın belə hadisələri ictimai rəyi manipulyasiya etmək üçün uydurduğunu deyib.
Kremlə hücumdan sonra BMT münaqişənin daha da genişlənməsi riskindən narahat olub.
Kanadanın baş naziri Castin Trüdo Moskvadakı hadisələrlə bağlı tələsik nəticə çıxarmaqdan çəkinməyi təklif edərək bildirib ki, Kanada kəşfiyyat orqanları tərəfdaş ölkələrdən olan həmkarları ilə birlikdə həqiqətən nə baş verdiyini araşdırır.
Poliqon.info