Kiyevə raket hücumu Cənubi Afrika Respublikasının lideri və nümayəndə heyətinin Ukrayna paytaxtına səfəri zamanı baş verib...
Qonaqlar müvəqqəti olaraq hotellərdən birindəki bomba sığınacağında gizlənmək qərarına gəliblər.
Bu barədə “Reuters” agentliyi məlumat verib.
“Reuters”in çəkiliş qrupu CAR liderlərinin maşın karvanı ilə Kiyevə necə gəldiklərini görüb, daha sonra bomba sığınacağından istifadə etmək üçün hotelə necə girdiklərinin şahidi olub.
Eyni zamanda Cənubi Afrika Respublikasının Prezidentinin Ofisindən bildirilib ki, onların Kiyevdəki missiyası qənaətbəxş və plan üzrə gedir.
Ofisdən, həmçinin qeyd edilib ki, Ukrayna Prezidenti Volodimir Zelenski ilə danışıqlar zamanı ona Ukrayna müharibəsi ilə bağlı “Afrika sülh planı” təqdim olunacaq.
Qeyd edək ki, Kiyevdə səhər saatlarında hava hücumu xəbərdarlığı işə düşüb və bu zaman partlayış səsləri eşidilib. Şəhər meri Vitali Kliçko partlayışların olduğunu bildirib.
Eyni zamanda ballistik silahların tətbiqi təhlükəsi barədə xəbərdarlıq edilib.
Fotolar
Poliqon.info
Digərxəbərlər
Populyar xəbərlər
