Uzun müddətdi siyasi qalmaqalların səngimədiyi Seneqalda vəziyyət gərgin olaraq qalır...
Poliqon Seneqalın RTS milli teleradio şirkətinə istinadən xəbər verir ki, ötən gün ölkə hökuməti buraxılıb və yeni baş nazir təyin edilib. Bu barədə prezident Maki Salle sərəncam imzalayıb.
Dövlət başçısı hökuməti buraxıb və daxili işlər naziri Sidiki Kabounu yeni baş nazir təyin edib.
Bir gün əvvəl Seneqal Konstitusiya Məhkəməsi ölkədə növbəti prezident seçkilərinin hazırkı prezident Maki Sallenin səlahiyyət müddəti bitmədən - aprelin 2-dən gec olmayaraq keçirilməli olduğunu müəyyən edib.
Əvvəlcə Seneqalda prezident seçkiləri 2024-cü il fevralın 25-nə təyin edilmişdi. Lakin ölkə parlamentinin qərarı ilə dekabrın 15-nə keçirilib. Qərar qalmaqallı olub, çünki səsvermə zamanı müxalifət deputatları zorla zaldan çıxarılıb və onlar qərara təsir edə bilməyiblər.
Seneqalda seçkilərin təxirə salınması elan edildikdən sonra etirazlar başlayıb. Aksiyalarda polis güc tətbiq edib. Ölkədə internet bağlanıb və müstəqil Walf TV telekanalının yayımını kəsib.
Poliqon.info