ABŞ və Filippin Silahlı Qüvvələri öz tarixlərinin ən böyük birgə təliminə başlayıb…
ABŞ və Filippin hərbi qüvvələri Çinin Tayvan yaxınlığındakı hərbi manevrlərinə cavab olaraq tarixin ən böyük birgə hərbi təliminə başlayıb.
Poliqon xəbər verir ki, bu barədə Amerikanın Axios nəşri məlumat yayıb.
Təlimlərdə 17 mindən çox hərbçi iştirak edir ki, bu da ötən illə müqayisədə iki dəfə çoxdur. Manevrlərin əsas məqsədləri müttəfiqlərin gücünü nümayiş etdirmək və Çinin Cənubi Çin dənizindəki mübahisəli adalara dair ərazi iddialarına qarşı çıxmaqdır. Birgə təlimlər aprelin 28-dək davam edəcək.
Qeyd edək ki, ABŞ Filippində hərbi mövcudluğunu artırıb. Fillipində ABŞ-a əlavə dörd hərbi bazaya giriş icazəsi verməyə razılaşıblar.
Aprelin 8-dən 10-dək Çin Silahlı Qüvvələri Tayvan adası ətrafında təlimlər keçirib. Manevrlər zamanı Çin təyyarələri və gəmiləri Çin və Tayvan arasında qeyri-rəsmi sərhədi dəfələrlə pozub.
Poliqon.info