İordaniyadakı ABŞ hərbi bazasına pilotsuz təyyarə hücumuna Ağ Evin cavabı İraq və Suriyada əvvəlki cavab hücumlarından daha güclü ola bilər...
Poliqon xəbər verir ki, bu barədə CNN öz mənbələrinə istinadən məlumat yayıb.
Eyni zamanda, CNN qeyd edir ki, ABŞ Müdafiə Nazirliyi və Ağ Ev öz planlarını gizli saxlamağa çalışır.
Telekanal ABŞ prezidenti Co Baydenin İordaniyadakı bazaya hücumlardan sonra "artan təzyiq" altında olduğunu açıqlayıb. CNN-in məlumatına görə, bəzi respublikaçılar ABŞ-ı İrana qarşı birbaşa cavab tədbirləri görməyə çağırıb.
Mənbələr bildirir ki, Bayden administrasiyası Suriya və İraqdakı İran silahlı qruplaşmalarına zərbələr endirməyi düşünür. Digər mümkün cavab "hücumedici kiberhücum"dur. Bununla yanaşı, telekanal vurğulayır ki, ABŞ son aylarda İraq və Suriyadakı İran tərəfdarı qrupların nümayəndələrinin silah anbarlarına dəfələrlə hücum edib, lakin bu, yaraqlıları dayandırmaq üçün yetərli olmayıb.
Bir gün əvvəl Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi ABŞ-ın Yaxın Şərqdəki qoşunlarına qarşı hücuma cavab verəcəyinə söz vermişdi.
Poliqon.info
Digərxəbərlər
Populyar xəbərlər
