Birləşmiş Ştatlar əmindir ki, Cənubi Afrika tərəfsizliyini bəyan etməsinə baxmayaraq Rusiyaya silah tədarük edib…
Poliqon xəbər verir ki, bu barədə CAR-ın News24 nəşri ABŞ-ın Cənubi Afrikadakı səfiri Ruben Briqetiyə istinadən məlumat yayıb.
Nəşr yazır ki, Briqeti ötən il dekabrda yaşanan bir qalmaqalı xatırldıb. O, bildirib ki, dekabrda Cənubi Afrika limanlarından birində Rusiyanın “Lady R” yük gəmisinin görünüb və bu gəmi Rusiyaya silah və sürsat aparıb.
Səfir cümə axşamı jurnalistlərlə görüşündə deyib: “Biz əminik ki, bu gəmi Rusiyaya qayıdarkən Cənubi Afrikadan silah və sürsatla çlxlb”.
Səfirin sözlərinə görə, Rusiya ordusunun silahlandırılması son dərəcə ciddi” məsələdir və və səfir bildirib ki, Vaşinqton Cənubi Afrikanı “qoşulmama siyasətinə” riayət etməyə çağırıb.
Öz növbəsində Cənubi Afrika Respulikasının prezidenti Siril Ramafosa Rusiya silahlarını daşıdığı güman edilən gəmi məsələsinin “tədqiqat mərhələsində” olduğunu bildirib. “Vaxtı gələndə sizə xəbər verəcəyik”, deyə prezident yerli mətbuata bildirib.
Xəbərdə bildirilir ki, ABŞ-ın əvvəllər Rusiya üçün silah daşıdımaqda ittiham etdiyi “Lady R” adlı rus ticarət gəmisi dekabrın əvvəlində Keyptaun yaxınlığındakı limanda görünüb. Yerli KİV-lərin həmin vaxt hadisə şahidlərinə istinadən yazdığına görə, gəmiyə naməlum yük yüklənib və iş əsasən gecə vaxtı aparılıb, gəminin ətrafı isə silahlı şəxslər tərəfindən mühafizə olunub.
Güman edilir ki, ABŞ səfirinin bəyanatı Rusiyanın Ukrayna ilə müharibədə müttəfiqi olmadığını deyən, buna baxmayaraq Moskva ilə birgə dəniz təlimləri keçirən, Beynəlxalq Cinayət Məhkəməsinin Vladimir Putinə qarşı həbs qərarı ilə bağlı mübahisəli bəyanatlar verən Cənubi Afrika hökumətinə təzyiq xarakterlidir və ABŞ əslində avqust ayında CAR-ın paytaxtı Yohannesburqda keçiriləcək BRİKS liderlərinin sammitində Putinin iştirakını önləməyə çalışır.
Poliqon.info
Digərxəbərlər
Populyar xəbərlər
