2019-cu ildə evlənənlər - Siyahı,Foto

2019-cu ilin bitməsinə sayılı günlər qalıb. Bu il şou-biznes qalmaqalları ilə yanaşı, toylar və boşanmalarla da bol olub.
Axşam.az 2019-cu ildə subaylıqla vidalaşanların siyahısını təqdim edir:

Müğənni Azad Şabanov Toma adlı xanımla nikah masasına oturub. Cütlüyün nişanı da, nikahı da, toyu da elə bu il olub.

Aktrisa Nigar Babayeva da bu il ailə quranlar siyahısındadır. O, yəhudi əsilli bəylə ailə qurub.

Müğənni Əhməd Mustafayev bu il iki dəfə toy edib. O, Səbinə adlı xanımla ailə qurub.

Aparıcı Azər İsmayılov isə bu il üçüncü dəfə ailə qurub. O, hər gün xanımı ilə fotolarını sosial şəbəkədə bölüşür. Azər bir neçə həftə əvvəl olan toyuna özü qatılmayıb.

Aparıcı Kazım Sübhan iyunda subaylıqla vidalaşıb.

Aparıcı Vaqif Aydınoğlu bu il ikinci dəfə ailə həyatı qurub. Onun toy şəkilləri həmkarları tərəfindən sosial şəbəkədə paylaşılıb.

Prodüser Anar Mədətov Samirə adlı xanımla ikinci dəfə ailə qurub. Prodüser bu il həm boşanma, həm də evlənmə xəbəri ilə gündəmdə olub.

Müğənni Kazım Can ikinci dəfə nikah masasına oturub. O, apreldə Brilliant adlı xanımla ailə qurub.

Aktyorlar Tural Ələkbərov və Aydan Həsənzadə də bu il ailə qurub.

Tanınmış pianoçu, bəstəkar-dirijor Abuzər Manafzadə Avstriyada ailə həyatı qurub. O, Karen Danger adlı əcnəbi xanımla evlənib.

“İmtahan” serialında rol alan aktyor Elvin Ağayev evlənib. O, Elvina adlı xanımla nikah masasına oturub.

Tanınmış prodüser Emin Əfəndi ailə həyatı qurub. Emin bloqqer Lalə Əhmədova ilə nikah masasına oturub.

Aktyor Ülvi Həsəni Esya adlı xanımla ailə qurub. Cütlüyün toyu iyunda baş tutub.

Müğənni Emiliya Yaqubova da Tamerlan adlı iş adamına ərə gedib.

pia.az