1962-ci il istehsalı olan Ferrari 250 GTO yarış avtomobili Nyu-Yorkda keçirilən hərracda 51,7 milyon dollara satılıb...
Poliqon France Press Agentliyinə istinadən xəbər verir ki, bu, tarixdə hərracda satılan ikinci ən bahalı avtomobil olub.
Satılan Ferrari 250 GTO 1962-ci ildə “24 saat Le Mana” yarışında iştirak edib. Onu britaniyalı sürücü Mayk Parkes və Scuderia Ferrari komandasının italyan Lorenzo Bandini idarə edib. 1974-1985-ci illərdə avtomobilin sahibi Amerika “Ferrari Club of America” təşkilatının sədri olub. Son 38 ildə Ferrari 250 GTO amerikalı kolleksiyaçıya məxsus olub. Avtomobilin yeni sahibi açıqlanmayıb.
Qeyd edək ki, tarixdə hərracda satılan ən bahalı avtomobil Mercedes 300 SLR Uhlenhaut Coupe olub. 2022-ci ildə 135 milyon avroya alınıb.
Poliqon.info