Yeravan üçün “sülhə” gedən yol - Ermənistan yenidən separatçılara büdcəsindən maliyyə ayırdı...

Politoloq: “Əslində, Ermənistanın büdcəsindən Qarabağda olan separatçılara yenidən maliyyə ayrılması və bu vəsaitin qanunsuz silahlı birləşmənin saxlanılmasına sərf edilməsi Azərbaycanın ərazi bütövlüyünə qarşı qəsddir”.

“Hadisələrin gedişi onu göstərir ki, Cənubi Qafqazda davamlı sülhün bərqərar olmasını istəməyən qüvvələr elə vasitəçi dövlətlərdir”.

Bu sözləri politoloq Samir Hümbətov Ermənistanın Qarabağa yenidən maliyyə ayrılmasını PİA.az-a şərh edərkən qeyd edib.

Ermənistanın 2023-cü il büdcə layihəsində Qarabağdakı separatçılara yenidən maliyyə yardımı ayrılıb və bu yardım keçən ilki kimi 300 milyon dollar təşkil edəcək. Qeyd edək ki, həmin vəsait bir qayda olaraq, əsasən Qarabağda qanunuz silahlı birləşmənin saxlanılmasına və əhalinin kommunal xərclərinin ödənilməsinə yönəlir.

İlin sonuna qədər Azərbaycanla sülh müqaviləsi imzalayacağını və Azərbaycanın ərazi bütövlüyünü tanıyacağını bildirən Ermənistanın bu addımını necə dəyərləndirmək olar? Bu Azərbaycanın daxili işlərinə birbaşa müdaxilə deyilmi?

Mövzunu PİA.az-ın əməkdaşı “Beynəlxalq Münasibətlər və Diplomatiya Araşdırmaları Mərkəzi”nin rəhbəri, politoloq Samir Hümbətovla müzakirə edib.

Samir Hümbətov: “Samir Hümbətov: “Belə hərəkətlər Ermənistan-Azərbaycan arasında olan sülh proseslərinə birbaşa zərbə kimi də dəyərləndirilə bilər”.

Ermənistanın belə addımlarının təxribatçı addımlar sırasında olduğunu vurğulayan politoloq PİA.az-a bildirib ki, bu təxribatların da mütləq cavabı veriləcək:

“Son dövrlər Ermənistanın sülh sazişi ilə bağlı müsbət mesajlar verməsi fonunda, Azərbaycan torpaqlarında yerləşən qondarma rejimə 300 milyon dollar ayrırması ondan xəbər verir ki, Ermənistanın niyyəti heç də saf deyil. Müşahidələr göstərir ki,Ermənistanın sülh sazişi ilə bağlı verdiyi açıqlamalar sadəcə və sadəcə beynəlxalq təşkilatları çaşdırmaq məqsədi ilə verilir.

Düzdür, Paşinyan Praqaya görüşündə Azərbaycanın ərazi bütövlüyünün tanınması ilə bağlı sənədə imza atıb. Amma maraqlı məqam odur ki, Paşinyan belə bir imza atandan sonra separatçı rejimə, xüsusilə də bu qondarma rejimə tabe olan silahlı birləşmələrin orada saxlanılmasına maliyyə vəsaiti ayrılması onu göstərir ki, Ermənistan Azərbaycana qarşı ərazi iddialarından əl çəkməyib. Eyni zamanda Nikol Paşinyan müxakifətin Qarabağda güclənməsindən ehtiyat edərək Qarabağ ermənilərinə demək istəyir ki, biz ən çətin vəziyyətdə belə sizin yadınızdayıq. Lakin bütün halalrda bu beynəlxalq hüququn norma və prinsiplərinə zidd hərəkətdir.

Əslində, Ermənistanın büdcəsindən Qarabağda olan separatçılara yenidən maliyyə ayrılması və bu vəsaitin qanunsuz silahlı birləşmənin saxlanılmasına sərf edilməsi Azərbaycanın ərazi bütövlüyünə qarşı qəsddir. Buna görə hesab edirəm ki, Ermənistanın belə addımları təxribatçı addımlar sırasındadır. Əlbəttə, bu təxribatların da mütləq cavabı veriləcək. Belə hərəkətlər Ermənistan-Azərbaycan arasında olan sülh proseslərinə birbaşa zərbə kimi də dəyərləndirilə bilər.

Samir Hümbətov: “Bütün halalrda Azərbaycanın əlində istər Qarabağdakı separatçıları, istərsə də Ermənistanı “ağıllandırmaq” üçün alətlər mövcuddur”.

Eyni zamanda düşünürəm ki, Ermənistanın büdcəsindən Qarabağa maliyyə yardımı ayrılması tək Ermənistanın istəyi ilə olmayıb. Kənar qüvvələrin də məsələyə müdaxiləsi var. Xüsusilə, burada Qərbin, Rusiyanın, İranın marağının olduğunu düşünürəm. Belə proses Ermənistanın daxilinə xaricdən verilən dəstəklə bağlıdır.

Bu gün Ermənistan özü ianələr hesabına yaşayır. İanələr hesabına yaşayan bir dövlətin başqa bir dövlətin ərazisindəki qondarma, separatçı quruma yardım ayrılmasından görünür ki, burada üçüncü tərəfin marağı var. Emənistan büdcəsindən Qarabağdakı separatçıların maliyyələşdirilmədi də üçüncü tərəfin maraqlarına xidmət edir və təxribat xaraklerlidir. Hadisələrin gedişi onu göstərir ki, Cənubi Qafqazda davamlı sülhün bərqərar olmasını istəməyən qüvvələr elə vasitəçi dövlətlərdir.

Bütün halalrda Azərbaycanın əlində istər Qarabağdakı separatçıları, istərsə də Ermənistanı “ağıllandırmaq” üçün alətlər mövcuddur və bu alətlərdən də hesab edirəm ki. istifadə olunacaq. Hər bir halda Qrabağdakı ermənilər Azərbaycan vətəndaşlığını qəbul etməlidirlər və buna görə də ora ayrılacaq vəsaiti də Bakı müəyyənləşdirməlidir. Hesab edirəm ki, gec-tez bu belə də olacaq”.

Nərminə UMUDLU
pia.az