Yeni ixtira milyonlarla batareyanı lazımsız hala gətirə bilər

Hazırda bütün dünyada sensorlar binaları təhlükəli səslərə nəzarət etmək və ya eşitmə qüsurlu insanlara kömək etmək kimi müxtəlif kritik məqsədlər üçün istifadə olunur. Lakin onlar daimi güc tələb edir və müntəzəm olaraq dəyişdirilməlidirlər. Buna görə də böyük miqdarda tullantı əmələ gətirən batareyalara ehtiyac yaranır.

Avrop İttifaqının araşdırması göstərir ki, 2025-ci ilə qədər hər gün 78 milyon batareya atılacaq. Bu batareyaların hər biri yığılması çətin və utilizasiyası qeyri-mümkün olan materiallar tələb edir. Lakin tədqiqatçılar enerji tələb etməyən mexaniki sensor yaratdıqlarını və batareya tullantılarının bir hissəsinin qarşısını alacaqlarını deyirlər.

Tərtibatçıları bildirirlər ki, sensor tamamilə mexaniki işləyir. Yeni tədqiqatın müəlliflərindən biri olan “ETH Zurich”in mütəxəssisi Yohan Robertson bildirib ki, sadəcə səs dalğalarında tapılan vibrasiya enerjisindən istifadə ediləcək.

Bu sensor müəyyən bir səsə cavab verə bilər. Sadəcə bu xüsusi səs dalğaları ardıcıllığı sensorun titrəməsinə səbəb olacaq ki, bu da sensorun işə salındığını göstərən elektron cihazı işə salan elektrik impulsunu yaradır.

Sözügedən mexaniki sistem hətta sözləri ayırd edə bilir. Tərtibatçılar deyirlər ki, cihaz “üç” və “dörd” arasındakı fərqi səs enerjisi ilə ayırd edə bilər.

Tədqiqatçılar gələcəkdə daha da mürəkkəb qabiliyyətləri inkişaf etdirmək istəyirlər. Buraya 12-yə qədər müxtəlif sözü ayırd etmək imkanı daxil ola bilər.

Sensorlar zəlzələləri və ya binaları izləmək üçün istifadə edilə bilər. Bu cihaz həmçinin neft quyularında təhlükə yarada biləcək qaz sızmasını dinləmək üçün də istifadə edilə bilər.

Tədqiqatçılar həmçinin sistemin səhiyyə cihazları üçün də faydalı ola biləcəyini təklif edirlər. Hal-hazırda, məsələn, koxlear implantlar hər gün bir neçə dəfə batareyanın dəyişdirilməsini tələb edir və bunun qarşısını almaq olar. Və ya batareyaya ehtiyac olmadığı üçün texnologiya göz təzyiqini ölçən sistemlər kimi daha kiçik ola biləcək tamamilə yeni sensorlara səbəb ola bilər.

Qeyd edək ki, sensorun inkişafı “Advanced Functional Materials” akademik jurnalında dərc edilmiş “Fonik metamateriallarla sensordaxili passiv nitqin təsnifatı” adlı yeni məqalədə təsvir edilib.

Poliqon.info