Yeni Dehlidə Co Bayden-Si Szipin görüşü baş tutacaq?

Poliqon xəbər verir ki, bu barədə NBC News mənbələrə istinadən məlumat yayıb.

Telekanalın məlumatına görə, Amerika prezidentinin administrasiyası Vaşinqton və Pekin arasında münasibətlərdə problemlər olmasına baxmayaraq, danışıqlar aparmaq niyyətində deyil.

"Si Szinpinin hətta Yeni Dehlidə keçiriləcək sentyabr görüşünə qatılıb-qatılmayacağı bəlli deyil. Hindistan əvəzinə iki lider noyabrda San-Fransiskoda keçiriləcək Asiya-Sakit Okean İqtisadi Əməkdaşlıq Təşkilatının (APEC) konfransında görüşə bilər. Lakin hələ bu görüşün olacağı da rəsmiləşməyib", deyə məlumatda bildirilir.

NBC telekanalının məlumatına görə, Pekin hələlik həm G20 sammitində, həm də APEC-də Si Szinpinin şəxsi iştirakını təsdiqləməyib. Kanal vurğulayır ki, Bayden Çin lideri ilə ilin sonuna qədər görüşməyi planlaşdırır və böyük beynəlxalq sammit hələ də danışıqlar üçün ən çox ehtimal olunan yer kimi görünür.

Avqustun 31-də media Si Szinpinin Hindistanda keçiriləcək G20 sammitini buraxa biləcəyi ilə bağlı xəbər yayıb. “Reuters”in məlumatına görə, Çin liderinin əvəzinə Yeni Dehliyə Çinin baş naziri Li Qianq gedəcək. Eyni zamanda, Rusiya prezidenti Vladimir Putin forumda şəxsən iştirak etməyəcək, əvəzində görüşə xarici işlər naziri Sergey Lavrov gedəcək.

Poliqon.info