Yaponiya BMT-də Yaxın Şərq qətnaməsinin qəbul edilməməsindən təəssüflənir...

Poliqon xəbər verir ki, bu barədə Yaponiya Nazirlər Kabinetinin Baş katibi Hirokazu Matsuno növbəti mətbuat konfransında bildirib.

“Qəzza zolağında mövcud humanitar vəziyyəti nəzərə alaraq və bu qətnamənin böyük hissəsini dəstəkləyə bilən ölkəmiz lehinə səs verdi. Biz tez bir zamanda nəticə əldə etmək üçün müxtəlif diplomatik səylər göstərdik, lakin sonda BMT Təhlükəsizlik Şurası buna nail ola bilmədi. Bu təəssüf doğurur”, deyə Yaponiya Nazirlər Kabinetinin Baş katibi bildirib.

Matsunonun sözlərinə görə, yapon tərəfi, ABŞ-ın bu qətnamənin qəbuluna qarşı çıxsa da, vəziyyətin diplomatik səylərlə həllini dəstəklədiyini bilir. Yaponiya Nazirlər Kabinetinin Baş katibi bir daha əmin edib ki, Yaponiya öz növbəsində münaqişənin tezliklə həlli istiqamətində fəal işləməyə davam edəcək.

Qeyd edək ki, ABŞ veto hüququndan istifadə edərək Braziliyanın Yaxın Şərq qətnamə layihəsini bloklayıb. Rusiya səsvermədə bitərəf qalıb, buna Təhlükəsizlik Şurasının Braziliya sənədinə Rusiya tərəfindən edilən düzəlişləri rədd etməsi səbəb olub. Böyük Britaniya da səsvermədə bitərəf qalıb, BMT Təhlükəsizlik Şurasının qalan 12 üzvü qətnamənin qəbul edilməsinə səs verib.

Səsvermədən dərhal sonra çıxış edən ABŞ-ın BMT-dəki səfiri Linda Tomas-Qrinfild deyib ki, Birləşmiş Ştatlar “qətnamədə İsrailin özünümüdafiə hüququndan bəhs etmədiyinə görə məyusdur”.

Poliqon.info