Yaponiya, Böyük Britaniya və İtaliyanın müdafiə nazirləri - Minoru Kihara, Qrant Şapps və Qvido Krosetto gələcək nəsil döyüş təyyarəsinin hazırlanmasına cavabdeh olacaq təşkilat yaratmağa razılaşıblar...
Poliqon xəbər verir ki, bu barədə Kyodo Agentliyi məlumat yayıb.
Agentliyin məlumatına görə, təşkilat Britaniyanın “BAE Systems”, Yaponiyanın “Mitsubishi Heavy Industries” və İtaliyanın “Leonardo” şirkətlərinin rəhbərlik etdiyi müəssisəyə nəzarət edəcək. Təşkilatın baş qərargahının Böyük Britaniyada yerləşəcəyi gözlənilir, ona Yaponiyadan olan nümayəndə rəhbərlik edəcək. Bundan sonra sazişin hər üç tərəfi öz mütəxəssislərini yeni strukturun fəaliyyətinə cəlb edəcəklər.
Kyodo qeyd edir ki, Yaponiya hakimiyyəti gələn il bu strukturun istismar xərclərini ödəmək üçün təxminən 4 milyard yen (təxminən 28 milyon dollar) ayırmağı planlaşdırıb. Layihədə həmçinin Yaponiyanın “Mitsubishi Electric” şirkəti, İtaliyanın “Leonardo” şirkətinin Britaniya bölməsi – “Leonardo UK” və İtaliyanın “Elettronic”a şirkəti iştirak edəcək.
Qeyd edək ki, keçən ilin dekabrında İngiltərə, İtaliya və Yaponiya 2035-ci ilə qədər yeni nəsil döyüş təyyarəsi hazırlamaq barədə razılığa gəliblər.
Poliqon.info
Digərxəbərlər
Populyar xəbərlər
