İngiltərə Premyer Liqa təmsilçisi “Vulverhempton”ispaniyalı baş məşqçi Yulen Lopeteqi ilə anlaşdığını açıqlayıb...
PİA.az xəbər verir ki, Bruno Leyqin qovulmasından sonra Stiv Devisin müvəqqəti olaraq çalışdırdığı “Vulverhempton” yeni baş məşqçisini tapıb.
Klubdan verilən açıqlamaya görə, karyerasında İspaniya Milli Komandası ilə yanaşı, “Porto”, “Real Madrid” və “Sevilya” klublarını da çalışdırmış Lopeteqi ilə razılıq əldə olunub.
56 yaşlı məşqçi 2022-ci ildə keçiriləcək futbol üzrə dünya çempionatı ilə əlaqədar Premyer Liqanın dayandırılacağı noyabrın 14-dən vəzifəsinin icrasına başlayacaq.
Xatırladaq ki, Lopeteqi 2020-ci ildə “Sevilya”ya UEFA Avropa Liqası kubokunu qazandırıb.
pia.az