Vazgen Manukyan: Konstitusiya üzrə referendumun keçirilməsinə imkan verilməməlidir...

Poliqon xəbər verir ki, “Vazgen Manukyan Müstəqillik Bəyannaməsinə və hakimiyyətin Bəyannaməyə istinadları Konstitusiyadan çıxarmaq cəhdlərinə qəti yox” forumunda çıxışı zamanı deyib.

Manukyan qeyd edib ki, Müstəqillik Bəyannaməsi ilə bağlı heç kim Ermənistana qarşı iddia irəli sürməyib. Erməni siyasətçi xatırladıb ki, istənilən xalq bu cür sənədlərdə öz məqsədlərini müəyyənləşdirir və erməni xalqı da Bəyannamədə BMT Nizamnaməsinin müddəalarına istinad edərək bunu edib.

“Bəyannamə bizim Türkiyə ilə əlaqələrimizi inkişaf etdirməyə, diplomatik əlaqələr qurmağa və hətta danışıqlar aparmağa mane olmur, heç vaxt başqa ölkələrlə münasibətlərə mane olmayıb və heç kim ona qarşı heç bir iddia irəli sürməyib”, deyə erməni siyasətçi Türkiyə və Azərbaycana qarşı ərazi iddaları olan hazırkı Ermənistan konstitutsiyasını müdafiə edib.

Manukyanın fikrincə, müharibə Bəyannamədə nəsə yazıldığı üçün deyil, onlar zəif olduqları üçün baş verib və hazırkı hakimiyyət davamlı olaraq təslimçilik siyasəti yürüdür.

“Konstitusiyanı təzyiq altında dəyişdirməklə biz özümüzü biabırçı vəziyyətə salmışıq. Heç bir halda, nəyin bahasına olursa olsun, belə bir referenduma icazə verilməməlidir. Bu, özlüyündə geri çəkilmək demək olacaq, heç bu hakimiyyətin belə bir referendumu necə keçirəcəyini demirəm. Hörmətini itirmiş xalq heç bir məqsədə çatmaz”, deyə Manukyan xəbərdarlıq edərək, bütün qüvvələri və vətəndaşları yüksək məqsəd ətrafında birləşməyə çağırıb.

Poliqon.info